Hayu dulur-dulur salembur, mitra sadésa, baraya sanagara, urang sukan-sukan papada nyerat CARPONPIS: Carita Pondok Pisan, ngenaan ihwal naon baé, namung poma ulah dugi ka nincak dina perkawis RAS. Panjangna kecap dina CARPONPIS disarankeun ulah langkung ti 300 kecap, ogé satiasa-tiasa ulah kirang ti 50 kecap. Sok dulur-dulur, prung ah!
Sabtu, 28 April 2012
Dery Andriawan "Gocap"
Dery Andriawan
"Gocap"
Dina hiji waktu, di téras imah. Kabayan keur ngawangkong jeung Pamajikanna. "Teu karasanya, ayeuna urang teh geus kolot" ceuk si Kabayan, bari ngusap buuk pamajikanana anu panjang ngarumbay. "Enya Kang, asa karék kamari Akang ngalamar Nyai " tembal Nyi Iteung bari seuri saeutik semu bungah. " Umur Nyai ayeuna geus "Gocap" nya?" ceuk Kabayan deui, ngomongna bari maké logat Mandarin. "Bulan hareup Kang. Naha rék méré kado? make jeung nanyakeun umur sagala" tembal Nyi Iteng pinuh kupangharepan. "Engké, lamun umur Nayi geus "gocap" ku Akang rék ditukeuran ku "Jigoan" ngarah bisa menang dua" ceuk si Kabayan bari Nyéréngéh. "Dasar lalaki teu Uyahan!!"
Langganan:
Posting Komentar (Atom)
Tidak ada komentar:
Posting Komentar