SIHORENG...?!

Risaila Yang

SIHORENG...?! Waktos aya wargina hajatan nikahkeun di Cianjur, Fulin cs (grup elektun amatiran cenah mah) kaul ngiring ngaramekeun. Nu kacipta ku Fulin urang Cianjur mah handap asor, saropan, someh, sae basa... Sateu acan acara walimahan, cek sound ah, nostalgia, instrumen hola weh.. grenyemna. Breng..!! lagu "Angin Malam".. Breng..!! "Love Story".. Breng..!! deui lagu.. "Take My Hand For A While".. Nembe ge 3 lagu tos aya bpk2 nu ngacung2 jempol bari semu ngabungkuk sareng senyum sopan pisan.. Fulin males senyumna bari meni asa. Ngagembreng kybrd-na deui.. Breng..!! lagu "Autumn Leave".. Eta si bp teras weh ngacung2 jempol siga tadi. Fulin beuki sumanget! Breng..!! deui murudulkeun lagu2 kabisa nu eta2 keneh (ma'lum pan amatiran), bari males senyum bp2 tadi. Eitt..! Eta si bp nyampeurkeun.. bari anggeur ngacung2 jempol, anggeur senyumna. Wah.. fans berat yeuh.. grentes Fulin ka-GeEr-an.. Teras si bp eta ngaharewos, saurna.. "Punten, neng acara walimahan bade dikawitan.. Neng mah.. diwartosan titatadi ku bp teh.." bari anggeur teu leupas senyum.. "Ohh.. tadi teh dikinten abdi mah...." saur Fulin teu parat nyarios da kabujeng kaisinan... teras bretek ngajleng lumpat tina panggung..